鼎爺私房菜人均消費$888　必食阿爺乞兒雞

鼎爺李家鼎和譚玉瑛合作的《阿爺廚房》，開播2季以來每集均介紹少見的懷舊菜，令人大開眼界外，亦令鼎爺的廚神形象深入民心。

想一嚐鼎爺手藝，現在亦有機會。由他親自張羅的「鼎爺私房菜暫定將於9月3日開張，位處銅鑼灣的V-POINT商場，佔地4,300呎，走高端路線，將鼎爺在節目中炮製的傳統精緻手工粵菜活現眼前。

要一飽口福必須預先訂位，現時已開放食客在WhatsApp訂位，但Booking未開張已先爆滿！究竟收費幾多，又可以品嚐甚麼菜式？大家一齊睇睇！

1. 收費幾多錢？

鼎爺私房菜與坊間私房菜有所不同，毋須食客湊夠10至20人才可訂枱，只需帳單超過既定的最低消費額亦可入場，6至16位食客更可包廂。例如只得2位食客，亦可訂4人枱，只需付50%訂金確認，並消費超過$4000便可；如想訂海景房跟愛人共渡，只要超過$12,000的最低消費額。

▲ 相片來源：鼎爺私房菜facebook

不同價位的最低消費情況如下：

• 4人枱：最低消費$4,000
• 半隱閉空間（8-10人）：最低消費$8,000-$10,000
• 海景房（10-12人）：最低消費$12,000
• 馬場景房（14-16人）：最低消費$14,000
• VIP房（14-16人，可看到鼎爺親自下廚）：最低消費$20,000

對於高昂收費，鼎爺亦拍片親自解釋，他說自己亦認為定價偏貴，但他們煮食過程中會逐個步驟清清楚楚做給客人看，讓客人了解物有所值；再者食材準備需時，如乞兒雞要焗2.5小時，花時間亦考功夫。

2. 有咩菜式選擇？

菜單分3種價位，分別為每位$888、$1,288及$1,888的菜單。至於詳細菜單內容方面，店方就指鼎爺會以「不時不食」為菜式基礎，當中最出名的「阿爺乞兒雞」及「生炒骨」都屬必備；另外部分菜色為廚師發辦，換言之當中一兩道菜會因應食材新鮮程度等因素，由鼎爺親自決定。

根據店家fb公開的相片，預計節目中曾出現的「七彩斑球片」、「蜆蚧米通鯪魚球」、「芝麻卷」及「鴿脯燒雲腿」亦可包含在菜單中。

▲ 相片來源：鼎爺私房菜facebook

3. 幾時開始可以訂枱？

其實早於8月20日開始，鼎爺私房菜已開放whatsapp訂枱服務，電話為6729 6689，但只可以whatsapp信息訂座，如親自致電將不獲接聽。

訂座信息範例
名字：
電話：
日期：
人數：
備註：

話雖如此，其實在未開放訂座號碼前，鼎爺及其老闆朋友已訂滿9及10月份的星期五、六、日；另外，由於場內4人枱兩張，4人枱至12月底的Booking亦已訂滿。目前店方建議客人選擇在星期一至四訂枱，成功機會較大。

【延伸閱讀】鼎爺灑淚憶母親住家飯：呢份付出有錢都買唔到

【延伸閱讀】《阿爺廚房》回歸　李家鼎：廚房是一個家的中心